Toꞌogihe
Nuje di nꞌara hmuntsꞌa jäꞌi dya mengu ne di ñähe ra hñäki ha ra ꞌBatha ra Botꞌähi, Ntsꞌo̱tkani, rá hyodi Hidalgo, ꞌMonda; di suhe, di ñähñe, ne di ñähe, di heꞌthe, di ofohe, di ꞌraꞌtsihe, ne di udihe ma hñäkihe nuꞌä ra tsogi xa zogahe ma dadahe; di ꞌbu̱he ha nꞌara Hmuntsꞌi hingi ohoni rá ñhose, rá thuhu Ra Hmuntsꞌi di unga ya Tsꞌofo Hñähñu, di pe̱ꞌtshe nuꞌä ra mfeni hutsꞌi ha ra tꞌofo yá ꞌBe̱fi ya ꞌme̱hni ha ra Mäka Tꞌofo habu̱ ena: Nu'bu̱ ¿hänja di o̱hu̱ ñä nꞌa ngu nꞌa ha ma hñäkihu̱, núꞌä da pähu̱ nu nda ꞌbu̱hu̱? Hechos 2:8
Te di pe̱fihe
Di ñähñe, di suhe, di mähñe ne di xahñe ra hñäki ne ra nzäi hñähñu, njabu̱ da ndängi mahye̱gi ngu nuꞌu̱ maꞌra ya hñäki, ne da ꞌbe̱ꞌtsua ra tꞌekꞌei ngu nuꞌu̱ maꞌra ya hñäki ja yá nsu ha ra xiꞌmhai.
Te di to̱mihe
Da nxani, ne da ndángi nuya hogaꞌmu̱i pe̱ꞌtsa ya hnini, ya tꞌo̱tꞌe xa ñho ha rá te ra jäꞌi, ra ꞌmu̱i xa ñho, ne nuꞌu̱ ya mfeni xa hñei, ra nsadi ha rá Noya Ajuä, nuꞌä xa nja mayaꞌbu̱, ya nzäi ne rá mfeni ra hmuntsꞌi hñähñu, njabu̱ da nja nꞌada ra mfeni ne ra hogaꞌmu̱i ha yá ꞌmu̱i ga jäꞌi ngeꞌä geꞌä ra mu̱di da nja ha ꞌnara hnini.
